Shri Anthony Gonsalves
(Kyat sangeetkar Goemcho bhav Antony Golsalves-chi vol’lok dita – Isidore Dantas)
Goeant Marjorda Gaon navad’dik sangeetkaramk jalm dillo Gaon mhunn namvadla. Tea sangeetkaram madhem Antony Gonsalves hachem namv bhov famad. Manmohan Desai-chem film ‘Amar Akbar Antony’ ek yashashvi jodlem film javnasa. Hea filamant Amitabh Bachchan hannem Antony Gonsalvischo patr bhov uttim tharan natan kela. Eka vhodlea tantya thaun bhayr yevn ‘My name is Anthony Gonsalves’ mhul’lem pod bhov apurbhaean gavn prekshakamchim kal’ljam to jikla.
Thi kanni eka mogal’l goemkaracher ataplya ani tamtu Amitabh Bachchana-n tea patrak nyay dila. Tea patrachem namv pod boriatana Anthony D’Souza mhunn aslelem. Punn Laxmikant –Pyarelal madhlea eklean mhunje Pryelal-an tem namv Antony D’Souza aslelem tem Antony Gonsalves mhunn badli kellem. Kiteak mhul’lear Pyarelalak Rebek ani itor western vajamtram vajounk Anthony Gonsalves hannem shikoilelem javnasa. Dekun tacho upkar baudche khatir tannem tem namv badli kellem javnasa.
Antony Prabhu Gonsalves, Majordant 1927 vorsa June 12 ver jalmalo. Tacho bapuy Jose Antonio Gonsalves hannem tea gamvhea igorchecho mestri jaun 50 vorsam kam karn namv jodlam. Antony-chea itor tegam bhavamni hi porampara ajoon sambhal’lea.
Patlea yugamt igorjini chalomv-chea iskolamni sangeet shikoytalim. Hea vorvim jai’tea sangeetkaramnk aplem namv jodumk aadhar jalo. Anton aplea tornea sat vorsamche pra’er Kudchadem Rakonn bhodvachea igorjemt sangeetacho mestri jalo. Tho pokot Rebek vaajovmcheant hushyar naatlo bagar taka Violin, Clarinet ani Piano vajavmk ietalem.
1940-chea surver mumbaint umchle kul’licho lok hotelamni sangeet ikomk vetalo, je Goemkar Orchestra vajaitale. Soro bamdhi jal’le upramt Goemkar sangeetkaramk novya udhyogamk lagchem podlem. Thode sangeetkar Film udhyogamt bhitor sorle. Jo tea kal’lar eka bhamgral’lea yugamtlean vetalo. Thomy Hindu sangeet rochpi, Muslim gitam ghodpi ani Goemkar kristamv sangeet mamdpi (bosovpi) asle. Hea Trimurthim-cho sundar dekhavo pal’lemvk melltalo. “Goemkaramni Hindi Film udhyogamt bharpoor yogdhan dilam.” –ashem udghar Antony Baban dha vorsam adhim taccem sodhorshan – tachea Majordachea gharamt ghetastana ghetullo.
Proshn ashem aslem ki Hindi udhyogamt kiteak Goemkaramchi goroj asli? Daktea sangeet pomgdacho jomo rupya pod’dhear ek gunnadik porinnam dinaaslo. Vodlea Orchestramni – Dolak, Sitar, rebek, Trumpet, Hawaiian Guitar, Saxophone, Clarinet ek paripurnn parinnam divmk gorj aslim. Kristi Goemkaramk him vajamtram borea tharan vajamvk yetalim. Hindi sangeetachem rachan, baravn kadumk ja’y aslem jem Goemkaramk hikmaten karumk jatalem. Kiteak te srujansheel mamdpi asle.
Sangeet mamdpachem kaam vevegl’lea vajamtrank sangeet mamdchem, sangeet borovn kadchem, ani sur sundar karchem javnasa. Ek parinnamkarak roop (Distinctive impression) rochunk te Disneyland Stump, Portuguese Fados, Ellingston Doodles, Cha-Cha-Cha Mozart, ani bar hamchem vishay vapartale. Ani tamcho shevot ek sundar sume’ll javn aslo. Antonichem samgeet Goemche daiz ani Hindustani madhur sangeet ani tal’lacho ek me’ll javn asa. Antony Baban Hindi sangeet, tal’leamchea sumel’lacher borailelem asa.
Antonicho Bapuy J. M. Gonsalves Naushad Ali khan hache khatir vavurtalo. Tache mhalkecho studio ason tachi svatachi production Company asleli. Naushadan tachem Audition Octobarache 15 ver 1943 vorsa ghetlem ani taka aplea sangeet company-nth ghetlo.
Hindi film udhyogamt Antoni-cho piolo samball Rs.30/- javnasullo. |Tachi, Pannalal hea pirluk vajavpea sangata jugalbandi jalli lok ajooni ugdas kadtat.
Konknni sangeet khatir tannem Goemchim shetam, Imaginations, Sobhit Phul Goemchem ani sabar manddo rochleat.
Antoni-n sangeetak ek novem val’lan dilem. Hindi filmamni aplem poilem met Dolaka dvarim kelem. Tea upranth tannem ‘Kismat’ aani ‘Mahal’ hamkam sangeet bosoilem. Taka B. R. Chopra (Naya Daur, Wakt, Dhool ka Phool, Sadhana), Naushad (Dillagi) Chetan Anand (Hakikat), ani Romu Mukharjee (Tu hi meri Jindagi) tosolea vhad sangeet Digdarshakam khatir vajamvchem bhag mel’lem. Ek vegl’lench Orchestra ani Ostomti sangeetacho me’ll korpachi kola poilem apnnai’li. Digdarshak O P Nayyar, Kalyanji-Anandji, Laxmikant-Pyarelal, Bappi Lahri, R D Burman hannim tacho patalv kelo
1951 vorsa tannem Cine Musician Association sthapan kelo. Tacho labh sangeetkaramk uprant phavo jalo. Hindi film udhyogak tannem khoob sahakar dilaa. Kiteak tho sangeetacho solfam borovnk janna aslo. Adhim eka podak 30 insayo karchyo pod’talyo. Tachi husharkai backgound sangeet ani prastavik sangeetamt dison yetali.
Tachea sangeetachem mukhel akarshann Mumbaint Vidya Bhavanant jal’lea The Indian Syphony Orchestra-chea dakhovnnemt dislea. Hi dakhovnn teen dis chol’lea. Goem-chea sangeetachea tallachi sundarkai dislea. Namvad’dik gavpeamni Manna De, ani Suman Kalyanpur hannim sadar kellem.
Tachi vhadamtli vhad dakhovnn April 15-16, 1958 vorsa Saint Xavier’s Quadrangle hangasor jalli. Tacho ugdas Koknni mogi ajooni kadd’tat. Vishwa Sangeet Mamdal’len sadar kellea hea sangeet dakhovnnemt 100 vivimgod vajamtram vaaprlelea hea maha sangeet dakhaovnnecho Digdarshak Shri Anthony Gonsalves javnaslo. Hamtu namvad’dik gavpinn Lata Mangeshkar ani Manna De hannim Latin, Hindi ani Koknni bhashen podam gaileant.
Tachea vavrachi tokhnnai Walt Disney-cho Creative nirdehsak Clarence Weeks, jo bharatache poilem Animated Film karumk sodthalo taka Antony ja’y aslo. Punn tachea noxibhant tem naslem. 1965 vorsa tho sangeet shikamvche khatir America ghello. Thony tannem teen shaikshannik filmam – Boris Margo, Silk Screen ani France hamkam samgeet boroilam.
Taka sabar proshasti ani sanman phavo jaleat. Bharatacha Pradhan Mantri thaun prashasti labhlea. 1957 vorsa taka ‘Hum Panchi ek Daal-ke’ filmak sur singar prashasti, 1961 vorsa Rashtrapati prashasti phavo jalea. Goemchea sarkaran Rajya puraskar divn sanman kela.
2004 vorsa Dalgado Konknni Akademi-n, 2006 vorsa Trans Media hannim sanman kela. Ashok Rane hannim Antony baba voyr mahet dimvchem laghu chitr tayar kelam – tachem namv asa Anthony Gonsalves. The Legend Lifetime Achievement, Karmaveer Puraskar, Dada Saheb Phalke Lifetime Achievement Award taka labhleat.
