ಉದೆವ್ನ್ ಯೆಂವ್ಚಿಂ ನೆಕೆತ್ರಾಂ – I
ಮರಿಯಾ ಜ್ಯೋತಿ ಡಿ’ಸೋಜಾ
“ಸೊಫಿಯಾ” ಫಿಲ್ಮಾಂತ್ ರಿಸೆಪ್ಶನಿಸ್ಟ್ “ಆಶಾ” ಜಾವ್ನ್ ದಿಸ್ಲೆಲೆಂ ದೆರಲ್ ಕಟ್ಟೆಚೆಂ (ಪಾಣಿರ್) ಮರಿಯಾ ಜ್ಯೋತಿ ಡಿ’ಸೋಜಾ ಎಕ್ ಉದೆವ್ನ್ ಯೆಂವ್ಚೆಂ ನೆಕೆತ್ರ್ ಜಾವ್ನಾಸಾ.
ನಾಟಕಾನಿಂ ನಟನ್ ಕರ್ಚೆಂ, ಫಿಲ್ಮಾಂ ಪಳೆಂವ್ಚೆಂ, ವಾಸ್ಚೆಂ, ಸಂಗೀತ್ ಆಯ್ಕೊಂವ್ಚೆಂ ತಾಚೆ ಹವ್ಯಾಸ್ ಜಾವ್ನಾಸಾತ್. ತೆಂ ಬಿವ್ಟಿಶಿಯನ್ ಆನಿ ಇವೆಂಟ್ ಮೆನೆಜರ್ ಜಾವ್ನ್ ಸೆವಾ ದಿತಾ. ತಾಕಾ ರಾಂದ್ಪಾಂತ್ ಆಸಕ್ತ್ ಆಸಾ ಆನಿ ತೆಂ ನವೆ ನವೆ ರೆಸಿಪಿ ಪಳೆವ್ನ್ ರಾಂದ್ತಾ.
ಎಕ್ ಬರೆಂ ನಾಚ್ಫಿಣ್ ಆನಿ ಸಾಂಗಾತಾಚ್ ಎಕ್ ಖೆಳ್ಗಾಡಿ ತೆಂ ಜಾವ್ನಾಸಾ. ಕಬಡ್ಡಿ, ಶೊಟ್ ಪುಟ್ಟ್, ಹೈ ಜಂಪ್, ಲೋಂಗ್ ಜಂಪ್ ತಸಲ್ಯಾ ಪಂದ್ಯಾಟಾನಿಂ ತಾಣೆಂ ಸಬಾರ್ ಇನಾಮಾಂ ಆಪ್ಣಾಯ್ಲ್ಯಾಂತ್.
ಆತಾಂ ತಾಣೆಂ ಪಯ್ಲೆ ಪಾವ್ಟಿಂ “ಸೊಫಿಯಾ” ಪಿಲ್ಮಾಂತ್ ಮಾರ್ಲೆಲೆಂ ಹೆಂ “ಹೈ ಜಂಪ್” ತಾಕಾ ಕಿತ್ಲ್ಯಾ ಉಂಚಾಯೆಕ್ ಪಾವಯ್ತ್ ?
ಆಮಿ ತಾಕಾ ಸರ್ವ್ ವಾಟೆನ್ ಬೊರೆಂ ಮಾಗ್ತಾಂವ್. ಆಲ್ ದ ಬೆಸ್ಟ್ ಮರಿಯಾ !!