ಮಡ್ಗಾಂವ್ ಲಾಗ್ಸರ್ ಕುಕೊಂಲಿಚಾ ಮಿಲ್ ರೊಯ್ ಗೊಯೆಸ್ ಹಾಣೆಂ ದಿಗ್ದರ್ಶಿಲ್ಲೆಂ ವೆಲ್ಕಮ್ ಮಿಲಿಯನ್ಸ್ ಪಿಂತುರ್ ಆಸ್ಕರ್ ಎವಾರ್ಡಾಕ್ ನಾಮಂಕನ್ ಜಾಲಾಂ. ಬಾವೀಸ್ ಜನೆರಾಕ್ ಹ್ಯಾ ವಿಶಿಂ ಘೊಷಣ್ ಕರೆಲೆಂ ಅಶೆಂ ಕಳೊನ್ ಯೆತಾ.
ಕೊಂಕ್ಣಿ, ಇಂಗ್ಲಿಶ್ ಆನಿ ಪಂಜಾಬಿ ಭಾಶೆನಿಂ ವೆಗ್ಗಿಂಚ್ ಪಡ್ದ್ಯಾರ್ ಯೆಂಕ್ ಆಸ್ಚ್ಯಾ ಹ್ಯಾ ಫಿಲ್ಮಾಂತ್ ಜುವಾನ್ನ್ ಡಿ’ಕ್ರುಜ಼್, ಸೊನಮ್ ಬೊರ್ಕರ್, ಲೆಸ್ ಮಿನೆಜಸ್, ಮಾಮಾ ಮೊಳ್ವೆ ಹ್ಯಾ ಸ್ಥಾನಿಯ್ ಕಲಾಕಾರಾನಿಂ ಪಾತ್ರ್ ಖೆಳ್ಳ್ಯಾತ್. ಮನ್ ಪ್ರೀತ್ ಸಿಂಘ್ ಹ್ಯಾ ಪಂಜಾಬಿ ಕಲಾಕಾರಾನ್, ತಶೆಂಚ್ ಹೊಲಿ ವುಡ್ಡ್ ಕಲಾಕಾರ್ ಕೆಥರಿನ್ ಮಿಚೆಲ್ ಹ್ಯಾ ಫಿಲ್ಮಾಂತ್ ದಿಸ್ತೆಲಿಂ. ಹಿಂದಿ ಫಿಲ್ಮಾನಿಂ ನಾವಾಡ್ದೀಕ್ ಜಾಲ್ಲೊ ಆನಿ ಥೊಡ್ಯಾ ತೇಂಪಾ ಆಧಿಂ ಮರಣ್ ಪಾವ್‍ಲ್ಲೊ ರಝಾಕ್ ಖಾನ್ ಹಾಣೆಂ ಹ್ಯಾ ಫಿಲ್ಮಾಂತ್ ಮಹತ್ವಾಚೊ ಪಾತ್ರ್ ಖೆಳ್ಳಾ.
ಹೆಂ ಫಿಲ್ಮ್ ಏಕ್ ಆಳ್ಶಿ ಪೊಲಿಸ್ ಅಧಿಕಾರಿ ವಿಶಿಂ ಆಸೊನ್, ತೊ ಆಳ್ಸಿ ಪೊಲಿಸ್ ಅಧಿಕಾರಿ ಆನಿ ಎಕ್ ಭಿರಾಂಕುಳ್ ಘುನ್ಯಾಂವ್ಕಾರ್ ಗ್ಯಾಂಗಾ ವಿಶಿಂ ಆಸೊನ್, ಹ್ಯಾ ಫಿಲ್ಮಾಚೆಂ ಚಿತ್ರಿಕರಣ್ ಗೊಂಯ್, ಪಂಜಾಬ್, ಇಂಗ್ಲೆಂಡ್ ಆನಿ ಅಮಿರೆಕಾಂತ್ ಜಾಲಾಂ.
ಲ್ಹಾನ್ ಪಣಾ ಥಾವ್ನ್ ಫಿಲ್ಮಾಂ ವಿಶಿಂ ಆಭಿರುಚ್ ಆಸೊನ್, ಆಸ್ಕರ್ ಪಧಕಾಕ್ ನಾಮಾಂಕಿತ್ ಜಾಲ್ಲ್ಯಾ ಹ್ಯಾ ಫಿಲ್ಮಾ ವಿಶಿಂ ಉಲವ್ನ್, ಹೆಂ ಮ್ಹಜ್ಯಾ ಜಿವನಾಂತ್ಲೆಂ ವಿಸ್ರೊಂಕ್ ಜಾಯ್ನಾ ತಸಲೆಂ ಘಡಿತ್ ಜಾವ್ನಾಸಾ ಮ್ಹಣಾಲೊ ಮಿಲ್ ರೊಯ್ ಗೊಯೆಸ್.
