Konkani Bhasha Mandal Maharashtra thaun   Konkani Manayta Divas-2018

Konkani Bhasha Mandal Maharashtra hea Mumbaichea bhov pornea Konknni saunsthean, August 18,2018 samjer 6.00 vormacher Saraswati Mandir School Hall, Senapati Bapat Marg, Mahim  hamgasor  26^th Konknni Divas  acharann kelo. Surver heach mahinea-chea 16 tariker devadhin jal’lea Bharatacho maji Pradhan Mantri  Shri Atal Bihari Vajpayee ani samgatach Kerala ani Bharatachea itor suvateamni avra vorvim marann  pavle’lea sorvanchea atmeank shanti labhonk 2 minute maun ravon sharadanjali arpili.

Kareak Mukhel Soiro jaun Arcadia Share & Stock Brokers Pvt. Ltd. hacho MD Shri Antony Sequeira ani Manacho Soiro jaun Pikale & Co. Advocates hacho Shri Girish S. Pikale (The Saraswati Vidya Mandir Education Trust hacho Trustee) hannim vedhicher manachi boska getu’lli.

Saunstha-cho Odhyox Shri John D’Silva, Upa-Odhyox Shri Albert W. D’Souza, Sabha-Odhyox  Shri Henry Lobo,   Geral Karyadorxi Shri Lawrence D’Souza, Kamani, Saha Karyadorxi Shri John R. Pereira ani Khajandar  Shri Walter D’Souza, Jerimeri hanni vedhicher boska ghetul’li.

Sabha-Odhyox  Shri Henry Lobo-n smarann pustika-chem ugtavann  kelem.

Samdhyachea bhurgyamk Pratibha Puraskar -2018 ani July mahineant asa kel’lea Talent Sphordeant bhag ghetle’lea vijyetamk inama vantlim. Sangatach Shrimati Benedicta Rebello, Director, Model Co-Op Bank Ltd., aani samaj sevaki hika shawl pamgrun ma’an kelo.  Powerlifting sphodeant Bhamgarachem padhak jikle’lea Shri Denzil Walter D’Souza (Jerimeri) hamkam Shawl pamgrun sanman kelo.  Comedy King Shri Francis Fernandes Cascia (Natakist) hamkam fulam savem ma’an kelo.

Konknni Filmamni ani tiatramni aplea bhurgea ponna thaun seva divn aschea Shrimati Beatrice Josephine Fernandes aka Betty Naz hika “Lifetime Achievement Award-2018 jaun fulam, fallam, shawl, man-potr ani purse divn man kelo. Shri Vincent Castelino, Vidyavihar hannim Man Potr vachlem.

Tony Martins hannim borovn digdhorxillo “Beuxellim Sannam Lagtat Godd ” natkul’lo sadar kelo.  Talent spordheant jikle’lea bhurgam thaun  podam ani nach asa kelle.   Hamtum Mahakali, Kanjurmarg, Mira Road, Malvani ani itor  firgojem-chea lhan-vhadamni bhag ghetlo.

Mukhel Soiro Shri Antony Sequeira hannim sorv konknni lokak apli Mai- bhas konknni ulomvk ani konknni saunskruti uromvk ulo dilo.  Geletea vorsa vhoda dabajean acharann kel’lea Platinum Jubilee, Konknni Manyata disacho rupyotsav ani 20 vorsam uprant Konknni Bhasha Mandal-n Mumbai asa kel’lea Akhil Bharatiya Konkani Parishade-chea 31-vea Odhiveshan-achi proshamsha keli.

Manacho Soiro Shri Girish S. Pikale aplea bapu’y  Shri S. V. Pikale hannim Konkani Bhasha Mandal-chem registration salisayen karun dillo ugdas kadun saunsthea-chea karyam vishim sontos vyakt kelo ani borem maglem. Shri S. V. Pikale Konkani Bhasha Mandal hache ma’ji  odhyox jaun asle.

 

Shri Albert W. D’Souza aplea uloupant 1939 vorsa Konkani Bhasha Mandal survat karumk sacrifis kel’lea Shri Madhav Manjunath Shanbhag, Karwar ani 1942 vorsa Mumbai hem ka’am mukarun vorun Konkani Bhasha Mandal Bombay (atam Maharashtra) hachi survat kel’lea Shenoy Goembab hamcho, tashemch karnnantor bondh podle’lea Konkani Bhasha Mandal-ak  jiva’ll kel’lea Shri J. B. Moraes, Shri J. B. Sequeira ani Shri G M B Rodrigues hamcho ugdas karun tankam shraddanjali arpili.

Surver Odhyox Shri John D’Silva-n yevkar maglo, Shri Lawrence D’Souza, Kamani-n upkar atovnni keli. Shri Cyril Castelino ani Shri Leo Fernandes, Jerimeri hannim karyem nirvahann kelem.

Karyem somplea upranth ruchik Konknni jevann asa kellem.