Konkani Bhasha Mandal Maharashtra thaun Talent spordho-2018
Konkani Bhasha Mandal Maharashtra Mumbaichea hea bhov pornea konknni sonsthean July 15, 2018 aithara donparamcha justh 3.30 voramcher Saraswathi Vidya Mandir Hall, Senapati Bapat Marg, Mahim (paschim), Mumbai – 400 016 hangasor ek Talent spordho asa kello.
Hea spordhyeant – lhan burgeamk chovthi class munnasor, panchvi thavn novea classi munnasor ani dhavi class ani voyr ashem theen vibhag asa kelle. Haryeka vibhagak bhashann, gayan (ekodem, dhodem ani pangad) ani naach (ekodem ani pangad) asa kellem. Hea spordhyamth 175 voyr spordhikani bagh gethlo. Paavsalle dhees javn, shiramdhaarimcho paavs vothhalo tharee, Konkani bhashecha mogan ani umedhin poishilya Vasai, Mira Road, Malad-Malwani, Mahakali (Andheri poorv) ani itor firgajem thavn boroch lok hajar asul’lo polloitana konknni bhashek boro fudar asa tem uton distalem.
Spordheachea surver sonstheacho odhyox Shri John D’Silva-n sorv spordhikank yevkar ani borem magon spordheak chalan dilem. Karyadorshi Shri Lawrence D’Souza, Kamani hanne Konkani bhas bal’lvajai thor ami sorvani apaplea thamki bhitorli seva divmchi gorjechem ani ami amchea ghorani amchea bhurgeam sogim konknni bhashen ulounck favo. Konknni meesamk vochon, dhisachim magnni konknnenth mullim thor amchea avoin aplea uskear basoun shikaoileli hi bhas kedhimch al’lvonchi na munnon spordheachi survat keli.
Vedhicher Shri Leo Fernandes, Walter D’Souza Jerimeri, Walnes Rego, John R. Pereira, Tony Martin, Stanly Dias, Pascoal Lobo ani Shrimathi Betti Naaz hajar asul’lim.
voroinnaram jaun Smt. Rita Rose, Shri Francis A. Fernandes ani Shri Caridade Fernandes hajar asul’lim. Tamkam sounstheachea thorfen fulam dheevn sanman kelo.
Shri Cyril Castelinho-n vijetheamchim navam ghoshit kelim. Spordheant jikleleank August 18 tariker sanjer 6 vorancher Saraswati Mandir School Hall, Senapati Bapat Marg, Mahim (Paschim), Mumbai hangasor Konknni Divas acharsumchea sandarbhar inama vanttele.
