Comedy King Francis Fernandes, Cascia

Comedy King

Shri Francis Fernandes, Cascia 

Kala javnsa devan manshak dillem denne.  Taka ami talemt mhunntamv. Devan sobaramk sobar tharachim dennim vo talentam dileamt.  Tea talemtamk phavo tea vel’lar urjit karun, heram mukar pradarshit kaurmk eka avkasachi goroj asta.  Ani to samdarbh kedalla ani konna mariphat mel’lat tem tea munshyachea noxibacher hondon asta. Eka talentvont vyaktik aplim dennim lok mukar pradarshit karunk eka vedhichi goroj asa ani songata eka Podornichi mhanje God Father!  Ti vedhi tyaa vyaktichi mukli vidhi Thirayta. Todeant tasali vedhi ain vel’lar labhta ani tacho boro vapar karun te mukar namv jodunk pavtat.  Ani itor thode phavoto avkas mel’lanastana, daat rannant ful’lea sobhit fula barim fulon, thaimsor bavon vhechem asa. Ho noxibhacho khell!             

Rang manchar geletea 58 vorsam thaun ek natakist aplea dennieancho boro vapar karun, aploch ek saunsar rachumk pavla ani to javnasa Comedy King mhunnon namvadlolo Shri Francis Fernandes, Cascia.

Lhan asthana iskalachea lhan-vhod manoranjanachea karyani bhag ghevn prekshakamchea mechvonnek patr jallo to ajun vorsan vorsa prashamshechim “Shawl-am” jomo korun asa ani atam tachi “tally”(jumla) shembora voyr paulea

Baap Lawrence Mendonca hacho (tedalla Casica firgajecho Kajitor) patimbo mel’lulean tanne aplo poilo natak “Kiteak Negar Kartay?” boroilo. Tea Natakamth poile pavtim choliani patr ghetlo – ho ek dhaklo javnasa. Tesar Konkani natakani Shtree-chaliancho patr choliamnimch kel’lcho asul’lo. Tacho Natak 1966 Janerachea 30 tariker Devadhin Fred Fernandes-cha Digdarshanakal Manglurcha Don Bosco hallamth pradarshit jalo. Ho javnasul’lo Cassia gharamcho Don Bosco Hallamth korcho poilo Natak ani Mangluramth choliamni Natan kel’lo poilo Konknni Natak.

Hea Natakamth Francis-an Comedy patr kello ani lokachea mechovonnek favo jalo. Tache upranth 1967 vorsa potachea grasaa khatir taka gaon sodun Bombai yevmk podlem. Tari tachi Natakachi pisai tanne sodli na. 1968 vorsa tanne Cassia-cha tarnatyank ekvott karun “youngsters of Cassia” navamcho ek Sangh sthapith karun, tache mariphat aplea “kiteak Negar Kartay?” natakachim don pradarshana Mumbai-cha Mazgaon ani Bandra nth asa karun keerth jodli. 1968 thaun 1977 mhunnasor tanne 28 Natak boroile, dhigdarshile ani tamtu natan karun sabar Sangh-Sonstheamchea sahakaran khel’lovn dhakoile.

Hem kam to 1977 isvemth boro fudar sodhun gulfak vheta mhunnasor chal’lem. Vidhicho Khell mhunneata thenne Francis Gullfak pavlo ani henne hapthean hapthe Natak sadar javn asul’lem St. Mary’s Hall bandh podlem!

 

Kiteak Negar Karthay?, Avai thi Avai, Tum Mhaka Visor, Mathlabhi  Sounsar, Maldhisamv, Ghathki Samaj ani Mhataro Chorbela tache thode pramukh Natak javnasath.

Teen Kadambari, Dha motveo kannio, panchvees voir kavanam tanne likhleamth. Tache sabar book prakashith jaleat. Tamche poiki Dhulimthli Fulam, Konn iekat Mhujo Tal’lo?, Maldhisamv (natak) tode javnasat. Tachea todea natakachim navam ghevmchi tor –

Kiteak Negar Karthay? (1966), Hamv Hem Pathyena (1966), Pordeshi (1966), Tujo Vel’l Lagim Pavla (1968), Vhoni (1968), Tum Mhaka Visor (1969), Dev Tuka Bogsumdhi (1969), Adeus Tuka (1970), Aaj Mhaka-Faleam Tuka (1970), Palvallo Divo (1971), Havem Kitem Kelam? (1971) Tum Mhaka Ashe naka (1972), Bapa Tamka Bhogsi (1972), Dakoi Tujo Apradh (1973, Lipullo Chor (1973), Badlam (1974), Moryad (1974), Jagrut Rav (1975), Maldhisamv (1975), Poili Raat (1975), Khamdya voilo Khuris (1977), Ghatki Samaj (1976), Streeye Tujim Kitlim Rupam? (1976), Devan Kello Gunyamv (1979), Tanne Mhaka Vikrit Kelo (1982), Matlabi Saunsar (2003) ani Mhataro Chorbela (2007).

“Maldhisamv” ani “Avoi ti Avoi” natakache video cassettimcho teen hajaram voyr vikrap jala. Tanne sori-sumar 35 teen ghamteamche ani 25 dhon ghamtea bitorle natak boroileat.

Eddo’ll mhunnasor taka shemboram voyr Sangh-Sounsteamni Bhiurdam diun sanman kela. Tamchea poiki – Konknni Vagh, Nat-Samrat, Kala Shri, Konkan Kala Shresht, Konkani Kala Sahitya Ratna, Konkani Man of the Century thode javnasat.

 

Taka bhirudam dil’la  Sounsthya poiki thodimch navam ghemvchi tor – Mamglur Konkans, Dubai (1994), Saint Mary’s Konkani Association, Dubai (1998), Samgama Kalavidharu, Dubai( 2001).

2002 isvemth, Daiji Dubai, Konkani Writers Association, Dubai, Kannik Konkani Hapteal’lem, Mamglur, Casia Firgoj, Mamglur, Uttara Kannada Jilla Konkani Parishad, Sirsi, Bhatkal Firgoj Mandalli, Bhatkal, Divo Konkani Sachitr Haptheal’lem, Mumbai, Konkan Taram, Jeri Meri, Mumbai.

2003 isvemth, Maharashtra Konkan Association, Mumbai, Catholic Sabha, Anjelore, Mamglur, Konkani Bhasha Mandal Maharashtra, Mumbai, The Mangalorean Welfare Association, Vidyavihar, Mumbai, Kanarites Youth Association, Mumbai, Saint Joseph Konkani Association, Thane, Mumbai, Kalangann, Mamglur, Belle Association, Dubai.

2004 isvemth Catholic Action Leage, Bendoor, Mamglur, Saint Mary’s Konkani Community, Dubai, Mudarangady Saint Francis Association, Dubai, Sharjha, Kannada Stars, Al-Ain, Buraimi.

2005 isvemth Punav Prakashan,Mamglur, Sacred Heart Youngsters Association, Surathkal.

2006 isvemth Kanara Catholic Association, Fujaira. 

2007 isvemth Konkani Welfare Association, Mira Road, Mumbai, Saint Peters Association, Barkur, Mumbai, Kanara Konkani Association, Borivli, Mumbai ani Manglorean Catholic Association, Pune.

2008 isvemth Karnataka Sahitya Academi, St Josephs Firgojgar, Mugali Honda, Bhatkal, “Jhello” Konkani Hapteal’lem, Mamglur, Botam, Bolliye ani sangathi, Mudubelle, ICYM Nirmarga, Mamglur, Niddodi Firgojgar, Mamglur, Catholic Sabha, Katipalla, Mamglur, Dirvem Konkani Hapteal’lem, Mamglur.  Nakre Firgoj, Kuwait Konkans, Kuwait, Jebel Ali Konkani Association, Dubai, Karnataka Sangha, Dubai, T. M. A. Pai Pratisthan, Padval Prakashan, Pamboor Association, Karama, Dubai.

2008 isvemth Vasai Konkani Association, CAtholik Welfare Assocaition, Bhandar, SVP Karkala, Mudipu Firgoj Mandal’li, Perampal’li Firgoj mandal’li, Sevak Konknni Hapteal’lem, ICYM Kundapur, SVP Paladka, Famadh, Pernal, Dubai, Baindoor Catholic Assocation, Dubai, Ujire Firgoj Mandal’li, MCE Doha, Qatar, Konakani Group manvani ani itor.

Sabar Konkani Natak tanne boreile, dhagadharshile ani sadar kele.  Aj kaal cholon aschea tachea ‘Mhataro Chorbela” Natakachem namv ghetana apapimch Francis Fernandes-chem namv jiber yeta. Punn ek Vishay matr khamdit, ho “Mhatarao” kedimch Mhataro jauncho na!

“Mhataro Chorbela” Natachim shombhor padarshanm to vegimch sompovn, ek navo daklo rachumdi mhunn aunddemtam.

 

****