Ashem Zalem Kashem? – Filmachem Mumbaimth yashasviborith pradarshan
October 8, 2017 sakal’lim 9.30 voramcher Maxus Cinemas, Jerimeri, Mumbai hamgasor Ashem Zalem Kashem? Hea filmachem poilem pradarshan bhov yashasvi tharan zalem.
Hea filmachem udghattan Mumbaimthlo Printania kyathecho ani Aldel Trust hacho sabadhyaksh tashemch, Model Co-operative Bank hacho Karyadhyaksh, Shri Albert W. D’Souza hamche hathim zalem.
Aplea udghattan bhashanamth “Ashem Zalem Kashem?” ek dvi-bhashik, je Konknni ani Tulu bhashemni mishrith film jaunsa. Aami Manglurkar bahu bhashik jaun aslelean amka asalim dvi-bhashik filma polloun doni bhashemcha kalecho anand zodumk sadhy asa. Hea Filmachim itor sheharanmni sabar pradarshana zaleamth. Konkanni ani Tulu kalakaramni sangatha natan kellea hea filma dvarim loka thaim ekvot vadomdhi ani Mumbaimth hea filmachim sabar pradarshana jaundit ani lok hem film pol’leun thacho swadh chakomdith munn filmak yashasvi magli.
Hea filmacho Digdarshak ani Nirmapak, Shri Maxim Pereira hanni filma vishim thodyani kellea apaprachara vishim ullekh karun bezarai vyakt keli. Apnne kanchay eka bhashek mathimth davarun vo tea bhaesha udargathe khatir hem me’t khadunk na. Bagar Konknni ani Tulu prekshakamk dhon voranchem umchlya dorjechem manoranjan dhivmhea uddeshan hem film nirmann kelam hem thumi swatha pol’loiteleat munnon sarvancho sahakar maglo.
Filmacho sthaniy vevasthaphak, Shri Lawrence D’Souza, Kamani-n dhanyavad arpan kelem. Model Co-Operative Bank haco Nirdeshak, Shri Clement Lobo-n filmak sarvamcho sahakar magon borea rithin karyem nirvahann kelem.
Prekshakamcha abhipraye pramanne hem film bharpur manoranjan dhivmcha thasalem jaunasa. Sakkad kalakaramchem ani chad karun Tulu kalakaramche natan umchlea mattachem jaun ason, pot bhor hasomk mel’lem..
[Karodani karch karun tayar kellya itor bhashemchea filmamni sameth lhan-vhod chuki sodhun kadtat. Dekun thodeach lakhani ani samgatach novya-novya kalakaramk ghevn tayar kellya filmamk ami amcho sahakar dilo tor ani mukar Hindi ani English mattachim Konknni filmam yeunchamth vell lagcho na.]
