Albert W. D’Souza – vyakti parichay

Palghar Sheharak mini-Manipal karchem mhujem sopann javnasa:

– Albert Wilfred D’Souza

“Hanv Palgharak mini-Manipal jaun rupamtar korcheant samarpit asam” – him utram Shri Albert Wilfred D’Souza hamchim javnasat.

Albert W. D’Souza ek bahu mukhi udhyami, Shikpa shastri, Bhasannkar, Samaj sevi, Maha dhani ani amsoch Mamgloorkar. Pangl’la-chea mogrya kal’leank ek vishist formo’ll asa ani tosolich ek vishishttata Albert-a thomy uton dista.x

Ek sadya krushikamcha  gharanneant jolm ghevn aaj to ek umchlea mattacho shikpa pandit, udhyami, Maha dhani, Samaj sevak jamvk pavla tor tace patlean tachem parishram, jidd, thir vavr, door drushti ani shanneponn uton dista. “Albert Souza-n apadlelem Bhamgar jata” him utram mhuji nohim, bagar Model Bank-chea shatabdi suval’lea vel’la sabhent Bellary-cho Bishop Odhik Manadhik Henry D’Souza hannim ucharlelim javnasat. Ani khandit javn tannem apodlelem Bhangar jata tem tumkam hem lekhan vachtana ruju jatelem.

Ek lhan hal’le thavn Mumbai pavon, ek sadho Mangloor Store survath karun thaim thavn Printania Offset Private Limited hacho M.D., Aldel Education Trust ani Model Co-operative Bank-hamcho sabhadhyaksh ani Christian Chamber of Commerce and Industry hacho upa-karyadhyaksh ani itor sabar saounthyacho padadhikari javn vavurtha thor tachi karya nishtatha, samarpith seva haka karann javnasath.  Kanchay eka udhyamanth vavurn tachea shikharak pavlele sabar drushtanth amkam pal’levmk mel’lchem sahaj javn asa.  Punn ek vyakti sabar udhyamani avval darjecher porjal’lchem bhov aproob ani tosol’leam modlem ek thik javnasa, Shri Albert W. D’Souza. 

1957 isventh vorsacha poelya disa Panglacha Shri  alex ani  shrimathi Elizabrth D’Souza haamcho ……… javn thanchem janam jalem. Varsacho poelo dhis ani thani karcha hareka kaamamth te poele, hem pallethana sabaaramk apunn-I varsacha poelya dhisa jalmallom thar barem jathem munnon bogchem aasa.  Pangala, mogrea kallyamk naavadla ani Albertachaa vadilaamk mogreachi krishi asslli.  Sakallim te jadamthle kale kadn, thaamka baamdhun, velar angdi paavomk astha.  Hi ek shisth pallina thar thya fulaamk favo them mol mellana.  Vellacho mahathv bov garjecho ani them shisth burgyapannar Alberta thaim kamchom gelam.  Aaj kaal jalyari te aaplea udhyamachakee chad vell aplea saamaajik karyaamk dithaath tem pallethana thamche dhis pakath chovees varamche ya thachaki vhod hem haavem sabaar pavtim chimthchem aasa.  Vellaacho prabhaavik tharaan boro vaapar kaso karcho them thamche thavn shikhajai.

Aplem prathamik shikap Pangalachea St. John Higher Primary iskalamth ani Udpachea Sodhe Matt hanni cholovmchea S.V.H. High School thavn sampavn, aplea fudarachea sodhner tho Maya Nagari Mumbai pavtha.  Borivilicha St. Francis Technical Institute thavn Printing technology-mth pravinnatha apnnavn eka navadhik printing companimth  apprentice javn aplea fudarachi suruvath tho karta.

1981 isvemth tanne fudarachem poilem mett ghetlem munneatha jedhna tanne Mount View Mangalore Stores ani Cold Storage hachi suruvath Borivilimth keli.  Teaa disani tho ek management trainee javn eka printing pressa-mth kaam kartalo.  Tachi shathi pollo’ilea thea company-chea M.D.-n Albertak J. J. School of Arts hangasor printingamth part time diploma karchi savlathai odhagsum dili.  Ashem printing xhethramth adhunik tarbethi jodullo tho 1982 vorsa theg kamgaramk ghevn aplem  swathachem press suruvath karta.

Ani aaj them lhan mattar asa kellem printing press Printania Off Set Private Limited javn sounsar bhor navadlam. Aaj thamchea grahakam poikim Antharashtriy voktha Company, Insurance, Petro-chemical, shikpa sounsthe ani sabar Bankam mel’lon asat. Bible Print korcheant Printania-chem namv poilea dorjer asa.  English, Hindi, Konkani ani itor Bhasamni lakhamni Bible print korche khatir Printania navadlam.  Printania lag-bag 13 Bhasamni printingachem kaam korta.  Tantrik adhunikarann  Albertachem mantr javnasa.  Pragathe promanne videsham thaun novea novea yantramcho ayath karn, printing savlataye  vadovn, tachem printing press ek Adhunik press karchaeant tho shembar takke yashasvi jala.

Shikpa xetamt: –

Konkani samajent bhurgeamk jai toshem tantrik shikap divnchea shikpa sounsthya-chem unneponn Albertak dostalem.  Hem unneponn pois karche khatir tanne kadleli vavmt atham fol’l dhivn asa.  4 Engineering College ani 3 Management college  Mumbai-int ani 10 college itor rajyamni prarambh jalle tachea minhatecho fol’l javnasa.  Manglooranth St. Joseph Engineering College survath kartana tacho mot’to sahakar asullo.  Atam tho sabar collegim-chea adal’lte mandal’limcho Sandho javn tamka amuly seva divn asa.

Mumbai lagsar Palghar sheharant tanne aplemch ek vhod shikpa sankul asa kelam.  Thoimsor St. John College of Engineering and Technology, St. John Institute of Pharmacy and Researh, St. John Institute of Hospitality and Technology asa keleat. Sangatach St. John Institute of Humanities and Sciences, St. John Polytechnic, Aldel Tutorial Academy ani St. John International School ashem KG thaun PG mhunnasor   4000  voir Bhurgeank shikap divn asa.

Palghar sheharak ek mini-Manipal karchem thachem svapann athaam jyari jathe asaa thi samthosaachi gajaal.  Palghara vishim uloithana “Hamv ek krushi pradhan kutumant jalmal’lom dekun mhaka tacho abhiman lanponni thavn asullo. Dekun havem Mumbai lagsar Palghar-anth 20 acre jago molak gethlo ani tanthu krushi karumk suru kelem.  Tandull, Maad ani Chikku-chim jadam ani itor krushi karovn asullom.

Ashem cholon asthana Palghar-anth chod shikpa soounsthe nathulle ani umchlea shikpache kasalech college nath’llem mhoja gumanak ilem.  Havem tea vishim sthaniya kristhamv bhava-lagim vichar vimarso kelo.  Tamcho mhaka patimbo lablo.  Ani kramenn 2008 isvemth Aldel Education Trust hache dvarim thoimsor atamchem shikpa samkul asa karcheant hamv yashasvi jalom” – tho ashem mhunnta:

“Palgharant ek Medial College, ek Architectural ani Law College survat korchi tachi asha vegimch sufol’l jateli.  Samajichea sorv vidhyarthimk heo savlatayo ugthe asthele”- mhunta Albert.

Banking xetamt:

Albert W. D’Souza, Model Co-Operative Bank Limited hacho karyadhayksh javn vaavurn asaa.  Hache patlyanee ek uddesh asaa.  Mangloor mullachea udhyamimk loan mellovmk kasht jathaale.  Raashtrikrath bank loan dhivmk paatim sarthaalim dhekun amchea udhyamimk sahakaari bankchim, chod karn mangloori mullacha bank-chi garz munn thaka disli.

Sahakari Banking xshethramth namvadlolo Shri John D’Silva ainn vellar ek credit society bank munn parivarthan karche khaatir mukaar sarlo.  Thakshann Albert D’Souza thea pangdaak servalo ani aplo purtho sahakaar dheevmk laglo. The Mangalorean Co-Operative Credit Society Limited aslli, Shri Jhon D’Silva-cha karyadhyaksh pannakaal, Dhi Model Co-operative Bank  Limited javn parivarthith jaali.. upraanth Albert thea bankacho upa-karyadhyaksh ani kramenn karyadhyaksh javn vimchun aelo.  Bankache prastuth 21 shaakhe ason NRE seva sameth hareak tharachi banking seva upalabdh asaa jallyan,konkanni lokaan hamcho faidho ghevn bankacha abhivraddhe samgathaa hathaak haath mellomk ulo dhilo.  Hem bank pragathechaa vaaten pavlaam kaadun asaa ther Albert D’Souza hamcho purtho sahakaar hache patlyaan uton disthaa.

Samaaj Seva:-

Albert W. D’Souza Mumbaimthlea sabar sangh soounsthyamni sakriy patr khel’lon asa.  Aplea udhyamamchea rataval’li modhem haryeka sangha-chea dainik karyaval’lim vishim barkaen jathan getha.  Thode pavtim tho vel’la poilemch meetimgamk hajir javmchem pol’litana, tachea ghadiallant 24 voramchaki chod vel’l asagay mhunn bhogta. Konkani Bhasha Mandal Maharashtra hacho te upadhyaksh javn sabar versam thavn seva dite asath. Hea sounstean heach vorsa apli Platinum jubilee vhoda dabajean acharsili.  Ani atham ho saunstho Janevarimth Mumbaimth Akhil Bharathiya Konkani Parishad-echem 31-vem Adhiveshan Shivaji Park, Mumbai hamgasor Akhil Bharatia Konkani Parishad-hachea jod ashrayakhal ayojit karchear asa.  Hache patlean Shri Albert D’Souza-cho purtho sahakar asa.  Kanara Konkani Association, Borivili, ani itor sabar samgh sounstyamni niramtar seva divn asa.

Favo jalle puraskaar:-

Thaka sabaar puraskaar favo jaleath. Thamche paiki thodemch hamgaasar ullekh karche ther”Rachana Entrapreneur of the Year”, “Papal Award for Printing Entrapreneur (Rome 2004)”, Catholic Entrapreneur of Karnataka (FKCA thavn), Global Entrapreneur Award (2012) javnasaath.

Sampanmull vyakthi:-

Amchaa tharnatyaani udhyami javn heraamk kamaa dhivmk jai hem Albert-chem ek svapann javnasaa.  Hache khatir amchea samaajicha tharnatyaamk favo thea vellar favo ti maaheth dhivmche khaatir Manglur, Mumbai ani ithar jaagyani asaa karcha shibiraanim sampannmull nyakthi javn burgyamk garjechi maaheth ditha. Chad ani chad vidhyrthini muklem shikaap jodn amcheach deshaamth pragathi jodijai hem thachem dhorann javnasa. x

Hareka dhadlya patlyaan ek sthree astha hi samgnni apunn chintnssn, sabdhaan ani kernen mandhaa munnthaa Albert aplea pathinnechaa sahakaram vishim ulaithana.  Pathinn Elvinaacho purtho sahakaar ani burgeam thavn prerann ghevn mojem kaam karumk urbha melltha munntha aplea kutma vishim ulavn.

Albert Soz Konkani catholic Mangalorean laaikaam paikim ek engineering college suruvaath karchaamth poelo vyakthi jaavnasaa – ho ek dhaklo javnasaa.  Thachea collejini shembher takkhe vidyarthi aason serv aadhunik savlathayo upalabdh aasaa keleath.

Tho Printania Offset Pvt. Ltd. hacho mhalak ani karyadhyaksh javnasaa. Bharatiy Railway Defence hamkaa “power supply signalling systems” instruments upalabdh karcha Brisk Instruments Company hea company-cho tho Managing Director javnasaa.  Thanne sthaapan kellyo thode shikpa somsthe :

St. John College of Engineering and Technology,

St. John Institute of Pharmacy and Research

St. John Institute of Management and Research

St. John Degree College / St. John Polytechnic

St. John International School

Hea sounstheamni to vavr divn asa:

Model Co-op Bank Ltd.

Vice Chairman – Christian Chamber of Commerce and Industry

Adviser: Higher & Technical Education – Archdiocesan Board of Education, Mumbai  &   Diocese of Mangalore.

Member – Catholic Council of India

Executive Committee Member: St. Francis Institute of Technology, Borivli, Mumbai

Don Bosco Institute of Technology, Kurla, Mumbai

Xavier Institute of Engineering, Mahim, Mumbai

St. Joseph’s Engineering College, Mangalore

St. Aloysius Institute of Technology, Jabalpur

Don Bosco Degree College, Kurla, Mumbai

St. Francis Institute of Management and Research, Borivli, Mumbai

Xavier  Institute of Management and Research, Fort, Mumbai

Karuna Hospital, Borivli / Holy Family Hospital, Bandra, Mumbai

Holy Spirit Hospital, Andheri, Mumbai.