ಅಂತು

“ಅಂತು” ಕೊಂಕಣಿ ಫಿಲ್ಮಾಚೆ ಟ್ರೈಲರ್ ರಿಲಿಜ್ ಜಾಲೆಂ.

ಆಜ್ ಕಾಲ್ ಕೊಂಕ್ಣಿ ಆನಿ ತುಳು ಫಿಲ್ಮಾಂ ರಿಲಿಜ್ ಜಾತೇ ಆಸಾತ್ ಆನಿ ಆತಾಂ ಜಿ. ಎಸ್. ಬಿ. ಸಮಾಜಿಚೆ ಎಕ್  ನವೆಂ ಕೊಂಕ್ಣಿ ಫಿಲ್ಮ್ “ಅಂತು” ಚಡಿತ್ ಕಾಂಯ್ ಪ್ರಚಾರ್ ನಾಸ್ತಾನಾ ಚಿತ್ರಿಕರಣ್ ಜಾವ್ನ್, ವೆಗಿಂಚ್ ರಿಲೀಜ್ ಜಾಂವ್ಚಾರ್ ಆಸಾ.

 ಅಂತು ಫಿಲ್ಮಾಚಿ ಕಾಣಿ, ಪಟ್-ಕಥಾ, ಸಂಕಲನ್, ಸಿನೆಮಾಟೊಗ್ರಾಫಿ, ನಿರ್ಮಾಣ್ ಆನಿ ದಿಗ್ದರ್ಶನ್ ಶ್ರೀ ಕಾರೊಪಾಡಿ ಅಕ್ಷಯ್ ನಾಯಕ್ ಹಾಣಿಂ ಕೆಲಾಂ.  ರಾಜ್ಯ್ ಫಿಲ್ಮ್ ಪುರಸ್ಕಾರಿತ್ ಶ್ರೀ ಎಕ್. ಕೆ. ಮಥಾ ಹಾಣೆಂ ಕನ್ನಡಾಂತ್ ಲಿಖ್ಲೆಲ್ಯಾ ಸಂವಾದಾಂಕ್, ಶ್ರೀ ವೆಂಕಟೆಶ್ ಬಾಳಿಗಾ ಹಾಣಿಂ ಕೊಂಕ್ಣೆಕ್ ತರ್ಜುಮೊ ಕೆಲ್ಯಾತ್.  ಪದಾಂಚಿಂ ಉತ್ರಾಂ ಓಮ್ ಗಣೇಶ್ ಶೆಣೈ, ಉಪ್ಪುಂದಾ ಆನಿ ಶ್ರೀನಿವಾಸ್ ಶೆಣೈ, ಪುತ್ತುರ್ ಬರಯ್ಲ್ಯಾಂತ್.  ಸಂಗೀತ್ ಹರಿ-ಓಮ್ (ಹರಿಶ್ ಪಾಂಡವ್ ಆನಿ ಬಿ. ಅತ್ಮಾರಾಮ್ ನಾಯಕ್-ಜೊಡೆಂ) ಹಾಣಿಂ ದಿಲಾಂ.

ಮಿಲನ್ ಮಾರ್ಕಾಂಜಾ ಆನಿ ವಿಶ್ವನಾಥ್ ಕೊಡಿಕಲ್ ಆನಿ ವಿಪಿನ್ ಶೆಟ್ಟಿ ಸಹ ದಿಗ್ದರ್ಶಕ್ ಜಾವ್ನಾಸಾತ್.

ಕೃಷ್ಣಾ ಪ್ರಸಾದ್ ಆನಿ ವಿಜಯ್ ಮೊಂತೆರೊನ್ ಸಿನೆಮಾಟೊಗ್ರಾಫಿಂತ್ ಸಹಕಾರ್ ದಿಲಾ.  ಮೇಕ್ ಅಪ್ ಶ್ರೀ ಪ್ರೇಮ್ ರಾಜ್ ಅರ್ಲಾಪದವು ಆನಿ VFX  ಗುರುಪ್ರಸಾದ್ ಹಾಂಚೊಯೀ ಹ್ಯಾ ಫಿಲ್ಮ್ ನಿರ್ಮಾಣಾಂತ್ ಸಹಕಾರ್ ಆಸಾ.

 ಜಿ. ಎಸ್. ಬಿ. ಸಮಾಜಿಚೊ ನಾಂವಾಡ್ದೀಕ್ ಕಲಾಕಾರ್, ಸಬಾರ್ ಫಿಲ್ಮ್ಸ್, ನಾಟಕ್, ಆನಿ ಸಿರಿಯಲಾನಿಂ ನಟನ್ ಕೆಲ್ಲೊ ಶ್ರೀ ಚಿದಾನಂದ ಕಾಮತ್ ಕಾಸರ್ ಗೋಡ್ ಹಾಚೆ ಸಾಂಗಾತಾ ಪ್ರಸಿದ್ದ್ ಕಲಾಕಾರ್ ಪೂರ್ಣಿಮಾ ಸುರೆಶ್ ಉಡುಪಿ,  ನೇಶನಲ್ ಬಾಲಾಶ್ರೀ ಪುರಸ್ಕಾರಿತ್ ಸಂಜಯ್ ಶ್ಯಾನ್ ಭಾಗ್, ಮಂಗೇಶ್ ಭಟ್ ವಿಟ್ಲ, ದಿನೇಶ್ ಪ್ರಭು ಕಾಲೊಟ್ಟೆ, ಮಾರೊಲಿ ಸಬಿತಾ ಕಾಮತ್, ಜಯಾ ಪೈ, ಜಯಾ ಕಾಮತ್, ವಿಟೊಭಾ ಭಂಡಾರ್ಕರ್ ಆನಿ 45 ಇತರ್ ಕಲಾಕಾರಾನಿಂ ಹ್ಯಾ ಫಿಲ್ಮಾಂತ್ ನಟನ್ ಕೆಲಾಂ.

ಹ್ಯಾ ಫಿಲ್ಮಾಚೆಂ ಚಡಾವತ್ ಪೊಸ್ಟ್ ಪ್ರೊಡಕ್ಶನ್ ಕಾಮ್ ಎದ್ದೊಳ್-ಚ್ ಸಂಪ್ಲಾಂ ಆನಿ ಸೆನ್ಸಾರಾಚಿ ಪ್ರತಿಕ್ರಿಯಾ ಚಾಲು ಆಸಾ.  ಅಂತು ಫಿಲ್ಮಾಚೆ ಟ್ರೈಲರ್ ರಿಲಿಜ್ ಜಾಲ್ಯಾತ್.

ಚಡ್ತೀಕ್ ವಿವರಾಕ್ ರಾಕೊನ್ ರಾವಾ.