ಕೊಂಕ್ಣಿ ಫಿಲ್ಮ್ – ಅಂತು

ಕೊಂಕ್ಣಿ ಫಿಲ್ಮ್ ಮೊಗಿನಿ ಆತುರಾಯೆನ್ ರಾಕೊನ್ ಆಸ್ಚೆಂ ಫಿಲ್ಮ್ – ಅಂತು

ಕರ್ನಾಟಕ್ ರಾಜ್ಯಾಂತ್ ಬೆಸ್ಟ್ ರಿಜಿನಲ್ ಫಿಲ್ಮ್ ಮ್ಹಣ್ ನಾಂವಾಡ್ಲೆಲೆಂ  ಕೊಂಕ್ಣಿ ಫಿಲ್ಮ್ “ಊಜ್ವಾಡು” ರಿಲಿಜ್ ಜಾವ್ನ್ ಲಗ್ ಬಗ್ 6 ವರ್ಸಾಂ ಉಪ್ರಾಂತ್ ಪರತ್ ಎಕ್ ಪಾವ್ಟಿಂ GSB ಸಮಾಜಿ ಥಾವ್ನ್ ಎಕ್ ನವೆಂ ಫಿಲ್ಮ್ “ಅಂತು” ವೆಗ್ಗಿಂಚ್ ಪಡ್ದ್ಯಾರ್ ಯೆಂವ್ಚೆಂ ಆಸಾ.  ಕೊಂಕ್ಣಿ ಫಿಲ್ಮ್  ಬೋವ್ ವಿರಳ್ ಆಸ್‍ಲ್ಲ್ಯಾನ್ ಲೋಕ್ ಹ್ಯಾ ಫಿಲ್ಮಾಚಿ ವಾಟ್ ಆತುರಾಯೆನ್ ಪಳೆವ್ನ್ ಆಸಾತ್.

ತಪಸ್ವಿನಿ (1980), ಜನ ಮನ (1981), ಉಜ್ವಾಡು (2011), ಆ ವಯ್ ಜಾ ಸಾ (2017) ಉಪ್ರಾಂತ್ GSB ಬೊಲಿಂತ್ ತಯಾರ್ ಜಾಂವ್ಚೆಂ ಹೆಂ ಪಾಂಚ್ವೆಂ ಫಿಲ್ಮ್ ಜಾವ್ನಾಸಾ.

’ರಾಧಾ ಕಲ್ಯಾಣಾ’ ಕನ್ನಡ ಸಿರಿಯಲಾಂತ್ ಸ್ಟಿಲ್ಲ್ ಫೊಟೊಗ್ರಾಫರ್ ಜಾವ್ನ್ ತರ್ಭೆತಿ ಆನಿ ಆನ್ಭೋಗ್ ಜೊಡುಲ್ಲೊ 25 ವರ್ಸಾಂಚೊ ತರ್ನಾಟೊ ಶ್ರೀ ಕಾರೊಪಾಡಿ ಅಕ್ಷಯ್ ನಾಯಕ್ ಹಾಣೆಂ ಹಾತಿಂ ಘೆತ್‍ಲ್ಲೆಂ ಹೆಂ ಎಕ್ ಮಹತ್ವಾಚೆಂ ಮೇಟ್ ಜಾವ್ನಾಸಾ.  ಅಕ್ಷಯ್ ನಾಯಕಾನ್ ನಿರ್ಮಾಣ್ ಕರ್ನ್ ದಿಗ್ಧರ್ಶಿಲ್ಲ್ಯಾ  ಅಂತು ಫಿಲ್ಮಾಚಿ ಕಾಣಿ, ಪಟ್-ಕಥಾ, ಸಂವಾದ್, ಸಿನೆಮಾಟೊಗ್ರಾಫಿ ಆನಿ ಸಂಕಲನ್ ಸ್ವತಾ ಅಕ್ಷಯ್ ನಾಯಕ್ ಹಾಣಿಂ ಕೆಲಾಂ.  ಫಿಲ್ಮಾಚೆ ಸಂವಾದ್ ಕನ್ನಡಾಂತ್ ರಾಜ್ಯ್ ಫಿಲ್ಮ್ ಪುರಸ್ಕಾರಿತ್ ಶ್ರೀ M K ಮಾತಾ ಹಾಣಿಂ ಬರಯ್ಲ್ಯಾತ್.

ಕುಟ್ಮಾ ಜಿವಿತಾಚಾ ಸಮಸ್ಸ್ಯಾಂಚೆರ್ ಹೊಂದೊನ್ ಆಸ್ಚ್ಯಾ ಹ್ಯಾ ಫಿಲ್ಮಾಂತ್,  GSB ಸಮಾಜಿಚಾ  45 ನಟ್-ನಟಿನಿಂ ಪಾತ್ರ್ ಘೆತ್ಲಾ. ಮೈಸೂರ್, ಬೆಂಗ್ಳೂರ್, ಕಾಸರ್ ಗೋಡ್, ಮಂಗ್ಳೂರ್, ಪುತ್ತುರ್, ಬಂಟ್ವಾಳ್, ವಿಟ್ಲ ತಸಲ್ಯಾ ಸಬಾರ್ ಜಾಗ್ಯಾನಿಂ ಚಿತ್ರಿಕರಣ್ ಕೆಲ್ಲ್ಯಾ ಹ್ಯಾ ಫಿಲ್ಮಾಕ್ ಶ್ರಿ ಮಹಮ್ಮಾಯಿ ಸಿನೆ ಕ್ರೀಯೆಶನ್ ಬೊಂದೆರಾಖಾಲ್ ಲೋಕಾರ್ಪಣ್ ಕೆಲಾಂ.