ಸಿ. ಆಲ್ವಾರಿಸ್ ಹಾಚ್ಯಾ “ಆಶಾ” ನಾಟಕಾಚೆಂ ಪ್ರದರ್ಶನ್

ಕೊಂಕ್ಣಿ ನಾಟಕ್ ಕ್ಷೇತ್ರ್ ಹ್ಯಾ ವರ್ಸಾ 125 ವಾರ್ಶಿಕೋತ್ಸವ್ ಆಚಾರಣ್ ಕರ್ನ್ ಆಸಾ. ಹ್ಯಾ ಸಂದರ್ಭಾರ್ ಗೊಂಯ್ಚಾ ತಿಯಾತ್ರ್ ಸೆಲೆಬ್ರೆಶನ್ ಸಮಿತಿನ್ ಸಬಾರ್ ಪರ್ನೆ ನಾಟಕ್ ಸಾದರ್ ಕರ್ಚಿ ಮಾಂಡಾವಳ್ ಕೆಲ್ಯಾ.  ಹಾಂತ್ಗ್ಲೊ ಎಕ್ ನಾಟಕ್ ಸಿ. ಆಲ್ವಾರಿಸ್  ಹಾಣಿಂ ಬರವ್ನ್ ದಿಗ್ಧರ್ಶಿಲ್ಲೊ “ಆಶಾ” ಜಾವ್ನಾಸಾ.

ಆಲ್ವಾರಿಸ್ ಹಾಣೆಂ 1954 ಇಸ್ವೆಂತ್ ಬರಯ್ಲೊಲೊ ಹೊ ಫಾಮಾದ್ ಕೊಂಕ್ಣಿ ನಾಟಕ್ ಹ್ಯಾಚ್ ಎಪ್ರಿಲಾಚಾ 5 ತಾರೀಕೆರ್ ಮುಂಬಯ್ ವಿಲೆ ಪಾರ್ಲೆ ಉಪಸ್ಥಿತ್ ದಿನಾನಾಥ್ ಮಂಗೆಸ್ಕರ್ ನಾಟಕ್ ಸಾಲಾಂತ್, ಸಾಲ್ ಬರ್ ಬರ‍್ಲೆಲ್ಯಾ ಪ್ರೇಕ್ಷಕಾಂ ಮುಕಾರ್ ಬೋವ್ ಯಶಸ್ವಿ ಥರಾನ್ ಪ್ರದರ್ಶಿತ್ ಜಾಲೊ.

ಹ್ಯಾ ತಿಯಾತ್ರಾಚೆಂ ದಿಗ್ದರ್ಶನ್ ಸ್ವತಾ C. ಆಲ್ವಾರಿಸ್ ಹಾಚಿ ಧುವ್, ಕಾಪುಸಿನಾ ಆಲ್ವಾರಿಸ್ ಹಿಣೆಂ ದಿಲಾಂ.  ಹ್ಯಾ ತಿಯಾತ್ರಾಂತ್ ಸಬಾರ್ ನವ್ಯಾ ಕಲಾಕಾರಾನಿ ಪ್ರಶಂಶನೀಯ್ ಅಭಿನಯನ್ ದಿಲಾಂ.  ಆಫ್ರೀಕನ್ ಕುಜ್ನೆರ್ ಜಾಲ್ಲ್ಯಾ ಅಬೆಲಿಯಾನ್ ಕ್ಯಾರಿ ಆನಿ ಇತರ್ ಹೆರಾಂ ಸಾಂಗಾಂತಾ ಮೆಳೊನ್ ಪ್ರೇಕ್ಶಕಾಂಕ್ ಪೋಟ್ ಭರ್ ಹಾಸೈಲೆಂ.  ಆಪ್ಲ್ಯಾ ಮಾವ್ಳ್ಯಾ ಥಾವ್ನ್ (ಕೆನಿ) ಬರಿಚ್ ತರ್ಭೆತಿ ಘೆತ್ಲೆಲ್ಯಾ ಕುಮಾರಿ ಕ್ರಿಸಾಂಡ್ರಾನ್ ಆಪ್ಲ್ಯಾ ಸುಮಧುರ್ ತಾಳ್ಯಾನ್ ಲೋಕಾಂಕ್ ಖುಶ್ ಕೆಲೆಂ.

ನಾಟಕಾಚಿ ಕಾಣಿ ಬರಿ ಆಸೊನ್, ಲೋಕ್ ಅಖ್ರೆಚಾ ಧೃಶ್ಯಾಕ್ ರಾಕೊನ್ ರಾವ್ಲೆಲ್ಯಾ ಬರಿಂ ಭೊಗ್ಲೆಂ.  1954 ಇಸ್ವೆಂತ್ ಬರಯ್ಲೆಲೊ ನಾಟಕ್ ತರೀ ಕಾಣ್ಯೆ ವಸ್ತ್ ಆಯ್ಚಾ ಸಂಧರ್ಬಾಂಕ್ ಲಾಗ್ತಿ ಆಸಾ.  C. ಆಲ್ವಾರಿಸ್ ಹಾಣೆಂ ಬರಯ್ಲೆಲಿಂ 22 ದುಯೆತಾಂ ಹ್ಯಾ ತಿಯಾತ್ರಾಂತ್ ಆಸಾ ತಶಿಂ ಸಾಂಭಾಳ್ನ್, ಹ್ಯಾ ನಾಟಕಾಚೆಂ ದಿಗ್ಧರ್ಶನ್ ದಿಲ್ಲ್ಯಾಕಾಪುಸಿನಾ ಆಲ್ವಾರಿಸಾಕ್ ಅಭಿನಂದನ್.  ಆಪ್ಲ್ಯಾ ಬಾಪಾಯ್ನ್ ಬರಯ್ಲೆಲೊ ನಾಟಕ್ ಧುವೆನ್ ದಿಗ್ದರ್ಶನ್ ಕರ್ನ್, ಸಾದರ್ ಕರ್ಚೆಂ ಹೆಂ ಪಯ್ಲೆಂ ಪಾವ್ಟಿ ಆಸ್ಯೆತಾ?

ಹ್ಯಾಅ ತಿಯಾತ್ರಾಂತ್ ಪಾತ್ರ್ ಘೆತ್‍ಲ್ಲ್ಯಾಚಿಂ ನಾಂವಾಂ:

ತ್ಯಾ ಭಾಯ್ರ್ ಮೆರಿಕ್, ಎಜಿಡಿಯೊ, ಕಿಸಾನ್ಡ್ರಾ, ಸಮಾಂತಾ, ಲಿಡಿಯಾ ಆನಿ ಆಂತೊನೆಟಾನ್ ತಾಂಕಾಂ ದಿಗೊ ದಿಲಾ. ಪರ್ದ್ಯಾ ಪಾಟ್ಲ್ಯಾನ್ ಸೆಟ್ಟ್ ಪ್ರವಿಣ್, ಸ್ಟೇಜ್ ಮೆನೆಜರ್ -ಗ್ರ‍ೆಗ್ ಆನಿ ಪಾರ್ಶ ಸಂಗೀತ್ -ಡೇ ಬ್ರೆಕರ್ಸ್ ಹಾಣಿಂ ದಿಲಾಂ.