ಎಂಟೊನೆಟ್ ಮೆಂಡಿಸ್
ಎಂಟೊನೆಟ್ ಮೆಂಡಿಸ್
ಬಾಯ್ ಎಂಟೊನೆಟ್ಟಾಕ್ ತಿಚಾ ಚೊವ್ದಾ ವರ್ಸಾಂಚಾ ತರ್ನ್ಯಾ ಪ್ರಾಯೆರ್, ತಿಚೊ ಬಾಪುಯ್ ಮಾನೆಸ್ತ್ ಎ. ಕೆ. ಡಿ’ಸೋಜಾನ್, ಅಪ್ಲ್ಯಾ ‘ಹಾಂವ್ ತೊ ತಾರ್ವೊಟಿ’ ತಿಯಾತ್ರಾಂತ್ ಪಾತ್ರ್ ದಿವ್ನ್ ರಂಗ್ ಮಂಚಾಕ್ ವಳಕ್ ಕರ್ನ್ ದಿಲಿ. ತಾಚೆ ಉಪ್ರಾಂತ್ ತಿಣೆ ಆಲ್ಫ್ರೆಡ್ ರೋಜ್, ಎಮ್. ಬೋಯಾರ್, ಸಿ. ಆಲ್ವಾರಿಸ್, ಜಾಸಿಂತ್ ವಾಜ್, ಜೆ. ಪಿ. ಸೊಜಾಲಿನ್, ಪ್ರೇಮ್ ಕುಮಾರ್, ಜೋಸ್ ರೋಡ್, ಅನಿಲ್ ಕುಮಾರ್ ಆನಿ ಕ್ರಿಸ್ ಪೆರಿ ತಸಲ್ಯಾ ಸಬಾರ್ ನಾವಾಡ್ದೀಕ್ ದಿಗ್ದರ್ಶಂಕಾಚಾ ಹಾತಾಖಾಲ್ ನಟನ್ ಕೆಲೆಂ ಮಾತ್ರ್ ನಹಿಂ ಆಸ್ತಾಂ, ‘ಆವ್ಘಡ್’, ‘ತುಂ ಸಾಯ್ಬಾ ಕೋಣ್?’, ‘ದೋನ್ ಘರಾಂ’, ‘ದಿಲೊಲೊ ಜುರಾಮೆಂತ್’ ತಸಲೆ ತಿಯಾತ್ರ್ ಬರವ್ನ್ ದಿಗ್ದರ್ಶಿಲ್ಯಾತ್.
ಹಿಂದಿ ಫಿಲ್ಮ್ ‘ಮೊಹೊಬತ್ ಜಿಂದಗಿ ಹೈ’ ಆನಿ ಇಂಗ್ಲಿಷ್ ‘ಲೆಗೆಸಿ ಆಫ್ ರೇಜ್’ ನಾಟಕಾಂತ್ ತಿಣೆ ನಟನ್ ಕೆಲಾಂ.
ತಿಣೆಂ ಪಾಂಚ್ ಹಜಾರಾ ವಯ್ರ್ ಪದಾಂ ಗಾಯ್ಲ್ಯಾಂತ್ ಮಾತ್ರ್ ನಹಿಂ ಆಸ್ತಾಂ ಸಂಸಾರ್ ಬರ್ ಮ್ಹಣ್ಜೆ ಆಫ್ರಿಕಾ, ಲಂಡನ್, ಕುವೈಟ್, ದುಬಾಯ್, ಮಸ್ಕತ್, ಖಾತಾರ್, ಕೆನಡಾ ಆನಿ ಜರ್ಮನಿ ತಸಲ್ಯಾ ಗಾಂವಾನಿಂ ಕಾರ್ಯಾಕ್ರಮಾಂ ದಿಲ್ಯಾಂತ್.
ತಿಕಾ ತಿಚ್ಯಾ ಊಂಚ್ಲ್ಯಾ ನಟನಾಕ್ ಆನಿ ಗಾಯನಾಂಕ್ ಸಬಾರ್ ಸಂಘ್-ಸಂಸ್ಥ್ಯಾನಿಂ ಪ್ರಶಸ್ತ್ಯೊ ದೀವ್ನ್ ಸನ್ಮಾನ್ ಕೆಲಾ.
