ಮೆಂಗಲೋರ್ ಟು ಗೋವಾ – ಕೊಂಕ್ಣಿ ಫಿಲ್ಮಾಚೆಂ ಮುಹೂರ್ತ್

Mangalore to Goa ಹ್ಯಾ ಕೊಂಕ್ಣಿ ಫಿಲ್ಮಾಚೆಂ ಮುಹೂರ್ತ್ ಕಾರ್ಯೆಂ ನವೆಂಬರ್ 4, 2018 ತಾರಿಕೆರ್ ಆಯ್ತಾರಾ ಸಕಾಳಿಂ 9 ವರಾಂಚೆರ್ ತೊಕ್ಕೊಟ್ಟು ಲಾಗ್ಸಾರ್ ಉಪಸ್ಥಿತ್ ನಿತ್ಯಾದಾರ್ ನಗರ್ ಇಗರ್ಜೆಚಾ ವಟಾರಾಂತ್ ಚಲ್ಲೆಂ.

ಮಾನೆಸ್ತ್ ವಿನ್ಸೆಂಟ್ ಡಿ’ಸೋಜಾ ಹ್ಯಾ ಫಿಲ್ಮಾಚೊ ಪ್ರೊಡ್ಯುಸರ್ ಜಾವ್ನಾಸಾ.  ಸಸ್ಪೆನ್ಸ್ ಆನಿ ಕೊಮೆಡಿ ಬರ್ಸೊನ್ ಆಸ್ಚ್ಯಾ ಹ್ಯಾ ಫಿಲ್ಮಾಂತ್ ಕೊಂಕ್ಣಿ ಹಾಸ್ಯ ಚಕ್ರವರ್ತಿ ಡೊಲ್ಲಾ ಮುಖೆಲ್ ಪಾತ್ರಾಂತ್ ದಿಸ್ತೊಲೊ.

ಗೋಡ್ವಿನ್ ಡಿ’ಸೋಜಾ, ಉದ್ಯಾವರ್ ಆನಿ  ರೆನಿಟಾ ಡಿ’ಸೋಜಾ, ತೊಟ್ಟಮ್  ಮುಖೆಲ್ ಪಾತ್ರಾಂತ್  ತರ್, ದಿಪಕ್ ಪಾಲಾಡ್ಕಾ, ಸುನಿಲ್ ಬಂಟ್ವಾಳ್, ರೋಶನ್ ಲೊಬೊ ಬಂಟ್ವಾಳ್, ರೋನ್ಸ್ ಲಂಡನ್, ಸಿರಿಲ್ ಕಸ್ತೆಲಿನೊ, ಸಪ್ನಾ ವಾಮಂಜುರ್, ಜುಡಿತ್ ಡಿ’ಸೋಜಾ, ಅಂಜೆಲೊರ್ ಆನಿ ಹೆರ್ ಸಬಾರ್ ಕಲಾಕಾರ್ ಹ್ಯಾ ಫಿಲ್ಮಾಂತ್ ಆಸ್ತೆಲೆ.

ಶ್ರೀ ಬ್ಲೆನ್ಜ್ ಪ್ರೊಡಕ್ಶನ್ಸ್ ಬೇನರಾ ಖಾಲ್ ಉತ್ಪಾದನ್ ಜಾಂವ್ಕ್ ಅಸ್ಚ್ಯಾ ಹ್ಯಾ ಫಿಲ್ಮಾಚೆಂ ದಿಗ್ದರ್ಶನ್ ಆನಿ ಕಾಣಿ ಶ್ರೀ ಘನಿ ದೆವ್, ಕಾರ್ಕಳ್, Co-Director ಶ್ರೀ ಪ್ರೇಮ್ ಡಿ’ಸೋಜಾ, ಸಂಗೀತ್ ಶ್ರೀ ಪ್ಯಾಟ್ಸನ್ ಪಿರೇರಾ, Associate Director, ಕಾಣಿ ಆನಿ ಸಂವಾದ್ ಶ್ರೀ ವಿಲ್ಲಿಯಮ್ ಪಧೆರಂಗಿ.

Director of Photography: ಪ್ರಜ್ವಲ್ ಆರ್. ಸುವರ್ಣಾ ಜಾವ್ನಾಸಾತ್.