Sophiya – ek abhipray
Ek abhipray
Hindi Film Industy-mt ekach vorsa bitor ekach nirdeshaka-chem eka patlean anyek super hit film release javmchem aproop pal’levmk mel’lta. Asalem ek ghadith Coastalwood-mt, Konknni film kshetramt pal’levmk mel’lchem mhul’lear khamdit javn thi ek vishesh gojal javnasa. Vishesh kiteak mhul’lear ek-don vorsam adli gojal ami pal’leli tor Konknni filmam na borabar asul’lim. Ani aaj-kaal Mangalore, Goa, UAE., UK., USA, Canada, Isarel tosalea deshanim Konknni Filma-chim itlim prodarshanm jamvchim dektana Konknni Film itihasamtle bhamgral’le dees iel’lo anbhog jata.
Shrimati Janet Noronha Konknni Filma-chim Coastalwood-chi poili mahil’la Nirmapaki javn, prekshamkamk ek borem manoranjan dimvcha aplea vaurant suphol’l jalea.
“Sophiya” vishim samgchem tor ek sadi kanni, trikonn mog, ugdas vhecho ani okhrek patim yemvcho, (hamgasor tho patim yeta vo na tem jannam jamvk tukam film dekchem podtelem.) ami sobar Hindi filma-nim deklam. Pun Sophiya filma-cho Nirdeshak Shri Harry Fernandes, (Barkur) kannye bitor kannye rachun, chimtumk sokana tosolyo gumvdyo divn, prekshakamk dharn dovarcheamt khamdit javn yashasvi jala. Harry-cho Hindi ani Bhojpuri filma-nim kam kello anbhog tannem hamgasor borpoor maphan vaparla tem uton dista.
Hasyam-cho bapui Prince Jacob ‘Pedru’ javn ani ‘Seethamma’ Frivita D’Souza prekshakamk gadye gadye hasomvchea aplea kamamt shembar takke yashasvi jaleamt.
Gunvant Sena-chem umchlem Sangeet ani 6 madhur podam ason hem ek barem film mhunncheamt don utram namt.
Filma-cho Hero Ivan (Elton Mascarenhas) ek Anath, happy to lucky, sodamch hason-khel’lon jiemvcho bhurgo Mangalore-amt jieta. Ek dees Mumbai pavul’lo tho igorjemt achanak eka chedvak pal’letha ani tech ghodye tea chedvachea mogar podta. Love at first sight? Pun kama babtim Mumbai gel’lea taka patim Mangalore yemvk podta. Mangalore pavul’lea Ivanak temch chdeum Mamglooramt dishtik podta. Pun ulamvk mel’lana.
Ivanak business trippar thodea disamk out of India vhochomk podta. Air Port vhetana Iavanachea hatim ek accident ghodta. Tho dirivng karn astana tannem Mumbai pal’lem chedum akasmat tachea Jeepak aptata ani chedvachea taklek katinn mar jata. Iavank flight sukath mhunn tachim poski avai-bapui tea chedvak lagsar asullea Ivanachea ishtachea Hospitalamt bhorti karn Ivanak Airport sodtath.
Pun taklek jal’lea mara vorvim chedvak kitemch ugdas yena. Tea chedvak sakdam “sophiya” mhal’lem novem namv ditat.
Ivan thodeach disamnim patim yeta ani Sophiya-chea kutmachim sodhnam korta…. Sophiya-cho ugdas patim yeshem karumk kitem sakkad khell khelta…..! Ivanachem proyatn kithun pavtha….? Sophiya-chim kutmachim Sophiya-chim sodhna kiteak korinamt ..? Sophiya Ivanachem jalem…?
Hea sorv savalamk jawab ja’y tor “Sophiya” film svata pal’leat. Hem ek kutma samet pal’lejai tasalem film javnasa.
