“Sophiya”Konknni filma-chem bhavya ugtavann karyem.
Mangalore, May 12: Konknni lokan sabar temp thaun rakon asullea Janet Production dvarim nirmit “Sophiya” filma-chem bhavya ugtavann karyem aaj sakal’lim 10 varamcher Prabhat Talkies hamgasor, Mangalore diocese-cho Bishop Dr. Aloysius Paul D’Souza hachem hatim jalem.
Tannim aplea udghattan bhashannamt “aaj kal henne tenne sabar Konknni filma release jaun asat. Hamtu Konknni film industry-k boro pudhar asa mhunn dison yeta. Samgatach udevn yeun-chea novya talemt vamt Kalakaramk hi ek bori vedhi jaun asa” mhunn sangon filma-chea Nirmapaki, Digdorshak ani sorv Kalakaramk borem maglem.
Rev. Fr. Xavier Gomes hannim motvi magnnea vidhi cholovn vheli.
MLA Shri J. R. Lobo-n Janet Noronha Coastalwood-chi poili mahilla nirmapaki javnasa. Tinne dhoir ghevn ghetu’llem hem mhet prashamshania jaun asa mhunn sarvamk abhinandan kelem. Janet Noronha-n Konknnim chol-chitr shetamt ani Coastalwood itihasamt vho ek daklo rochla hi Konknni lokak ek vortea abhimanachi gojal javnasa mhunnalo Daijiworld.com hacho Sthapak ani Managing Director Shri Walter Nandalike.
Hea udghatan karyak Mandd Sobhann saunsthya-cho Gurkaar ShrI Eric Ozerio, adhyaksh, Shri Louis J. Pinto, Konknni sahity Akadami-cho purv adhyaksh Shri Roy Castelino, filma-cho digadrshak Shri Harry Fernandes (Barkur), nirmapaki Shrimati Janet Noronha, Shrimati Blossom Oscar Fernandes, mukhel Kalakaram Ester Noronha ani Elton Mascarenhas vedhicher ani Shelton Crasta, Floyd D’Mello, Stany Alvares, Royston Balkunje, Francis Olivera (Padukone) ani Sydney Mendonca hannim karyak sobhay dili.
