Betty Naz
Beatrice Josephine Nazareth e Fernandes
Betty Naz mhunnon sorvamk vol’lkichem Beatrice Josephine Nazareth e Fernandes Tiatr ani Film Kalakar gamvan Monglurchem tori tacho jolm April 18, 1945 disa Mumbaicha Mazgaon hamgasor jalo.
Tichem laghn Goemkar manest Abdon R Fernandes hachem samgim jalem ani tamkam doug put, Aron ani Warran devan phavo kele.
Ticho bapu’y, Aloysius Louis Nazareth Mangloor Konknni Rang Manchar gayak ani Composer javn navadlolo javnasa. Apunn lhan astana, A. T. Lobo-cha eka nataka khatir ek bal’l kalakarachi goroj asli. Tedal’la apnnak to patr khelcho suyog labhlo. Ani aaj mhunnasor natakanim ani Filmani natan karte ileam mhunnta Betty. Mhuje nat’tan pollevn, A T Lobo-n hamv mukar ek navad’dik nati jaunk pavtelim mhunn samglelim tim utram aaj sot jaleant mhunnta Betty. 
Tea kal’lar Mazgaon mhullear darabast Konknni lok vosti karcho jago. Dekun thoimsor borinch Konknni karyakrama sadar jatelim. July 26 Saint Annachea Festa disa sabar natkul’le jatele ani amkam natan karunk jai’te avkas labhtele mhunnta tem.
Byculla-mt natak khellovmcho ek Mangloor garamcho saunstho aslo. Tea saunsthant Succorine, Rico Rod, Tita Pretto, Antonette Mendis tashem her sabar kalakar mel’lon asle. Tamchem samgata natan karn apnnak Goenkaram ani Mamgloor karam madhem natan karunk salis jalem mhunnta Betty Naz. 
Ek dees M. K. Das navacho eklo Nirmapak Banglore thaun Mumbai Rico Rod-ak mel’lonk ielo. Taka ek Konknni film nirmann karchi asha asli. Filmachem Casting kortana Rico Rodachi mojot tanne ghetli. Rico Rod-ak boroinnar ani digdorshak Shri Maurice Cabral hachi vollok asli.
Filmak kalakrank vimchtana tanne mhaka Dasa-chi vollok karun dili. Ashem mhaka “Jivit Amchem Ashem” Filmant natan korcho suyog labhlo mhuntta Betty, aplea filmi jivana vishim uloitana. Tea filmant Dr. Ramani, Cecilia Machado ani Pandari bai tosolea mahan kalakaram samgim mukhel patr khelcho avkas labhlo. Das hachem dusrem Konknni film “Boglantt” hamtu Prem Kumara-chea avoicho patr Bettin kello.
Rico Roda-cho tiatr “vhoni ani der” Ani C. Alvares hacho “Khomcho sacrament?” dvarim Bettin Goemchea Rang Manchi’er paa’y dovorlo. “Khomcho Sacrament?” tiatra-chem abhyas choltana Betty Francis Fernandes Cassia-chea eka natakamth patr abhyas karn aslem. Pun C. Alvaris- an Francis-ak samgon to patr sodumk podul’lo ugdas thaka ajoon asa. Upramth tanne M. Boyer, Prem Kumar ani Remi Colaco (Khel tiatr) thosalea sabar navadheek digdarshamka-chea hatakhal podam gavn, ani natan karn eka vorni ek borem prodarshan dilem. 
Khell Tiatr vaadon aile ani samgatha Bettik Menino De Bandar, Rose Ferns ani A. M. Pacheko tosolea famad digdorshakam thaun chod ani chod patr lable. Tem ek borem gavpinn jallean sabar digdorshak tache khatir borim geetam borovn gavmk kartole. Taka kantaram gamvcheant sabar proshosteo lableat.
Tanne nattan kel’lea natakam poikim Mauris Cabral-n boroun digdharshillo “Kaankann”, M. Boyera-cho tiatr “Ekuch Rosto”, Remi Colaco-cho tiatr “Aatamcho Temp”, C. Alvares-cho tiatr “Konne Lailo Uzo” (Betti-n Drug addictacho patr khello), Prem Kumara-cho tiatr “Jawan”, Menino De Bandar hacho tiatr “Sagleank Gorjechem” ani Rosario Rodrigues hacho “Fulam ani Kole” ani “Uzvad Palvalo”.
Francis Fernandes Cassia-cho prastuth super hit natak “Matharo Chorbela” hamtu Betti natan karn asa ani ho natak vegimch shembor pradarshana sampavn ek dhaklo rachumk asa.
1989 vorsa tanne “Devachem Besavm” namvachi Audio Cassette kadli. Tea Cassetimth thicho pothi Abdon ani thedala char vorsamcho put, Aron thani thal’le dileat.
Betti Naaz Konkani Bhasha Mandal Maharashtra hea somsthyachi karyakari samithichi samdho ani Maharashtra Kala sounstho hachea survathe thaun khazandhar javn seva diun asa. 
“Konkani ulai ani Konkani urai” Bettichem sorv Konkani lokank mogacho ulo javnasa. Eka kallar natak ani tiatr sadamche jalle atam bhov virall jaleat.
Ami amchea bhurgeamk Konkani shikamvk jai. Tamchem sogim konkanimth ulovmk jai. Tedna Konkani natak, tiatr ani filma portean ek pavtim bhamgaracho ka’ll palevmk soktelim – hem Bettichem swapan.
Prastuth Betti Bandra, Mumbai hamgasor vosthi karun asa.
