Walter D’Souza, Jerimeri

Shri Walter D’Souza, Jerimeri

Ek bhov samadhani, sodanch hasthya thondacho, dhadang jeevacho, kanchai sounstheachem, kasaleim lhan-vhod kaam sontosan tirsumcho konn-i vyakthi asa tor tho javnasa Shri Walter D’Souza, Jerimeri.  To sabar sangh sonsthyani sakreey vaavr divn ason thaka volkanthllo konni ascho naa.  Namvak jamv ya padhvek tho kedallay aashello na hem thaka janna aslle inkar karche namth.  Thache vishim dhon sabdh borovmk, motvean tachi porichay karn deevmk maka vhorto santhos  bogtha.

Udupi lagsar aschea Kalmadi-mth 1961 isventh June-chea 4 tariker Shri Francis D’Souza ani Shrimati Lilly D’Souza hamchea dhublya gharaneant, tamchea 4  bhurgeam poiki dusro javn tacho zalm jalo.  Satvi munnasor tachem shikap adhi Udupi-mth somptech, garib ponnak lagon taka aplea 13 vorsamchea tornya prayerch Mumbai-chi vat dhorumk podlem.  Punn to niraslo na. Taka jinneant kitem tori jaunk asul’lem.  Thodo temp Colaba aplea akaichea ghara tho ravlo ani deesachem kam karn rathichem shikap mundhursumk St. Xavier iskolak tho bhorti jalo.  “sadhisidhare sabala nungabahudhu” mullea kannada gadi borim tanne aplem sadhan sodlem na. Ashem 1982 isvemth tanne aplea fudaracho buniyadi fathor ghalo.

1984 isvemth tanne aplem swathachem dhukan “D’Souza Electronics” hachi survath keli. Sorv tharache Electronics vasthuchem repair shop boremch chalomk suru jalem.  Saunsar vhod ek college.  Hea saunsrant anbhog javnasa degree ani tho Anbhog Walter Baba lagim bharpur mapan asul’lo.  Thacho tanne boro vapar kelo ani prathifoll javn “Vilma Electronics” video cassette librarichi suruvath.  Hem dhukan Jerimeri-nth unnea avdhe bhitor borench navadhik jalem.  Udyama-nth  yashasvi jaunk monsheak collegim-chea degreemchi goroj  na hem Walter Baban ruju kelam. “Kalakke takknthe  kola katta beku” mul’lea samgnne parmanne, 1984 isvemth tanne ek athvoch dondho suru kelo.  Tho javnasul’lo T.V. ani V.C.R. Video Cassette samgatha badeak diumcho!  Itlea ghanteamk ithle poishe! Teim nagadh ani advance!  Ho dondho tea kal’lar ithlo prabhavith ani lokamogal’l jallo samgchem nahim!

Eka gharcheamk porvadana tor heram samgata bhagidharemth T.V. ani V.C.R. ghevn tache samgatha tea haftheant release jallem novem Hindi picture hachi Video Cassette ghevn, apleach ghorchea hollamth, kutma sameth picture pallevmchem fashion jallem!  Porinnam Walter Babak eka minutachi fursoth mel’lanathli.  Ashem jinneamth yash chaklelea Walter Baban ajun patim pol’lellem na.  Tea ghodie thaun tachea jinniechem graph voir chodomk lagllem.  Punn tho tit’ear voge boslo na.

1989 isvemth Mumbaimth cable T.V. cho udhbhav  jalo.  Eddo’ll munnasor T.V. ani V.C.R. badeak divmche hea cable marifath bandh jalem. Eka control room thaun T.V. signal ghoram-ghorani cable marifath pavomk suru jalem.  Walter Baban “Ashiwini Cable Vision” navachi cable vitharann saunstheachi suruvath kelich!  Aaj ho samstho Jerimeri-Sakinaka ilakeani boroch lokamogall jala.  Surver deesak ek picture mhunn suru jallo ho dandho aaj Tata, Reliance ani Airtel tosolea compani-mk aple kushin vodumk sakla.

1989 isvemth survat jal’lea hea dondeant borech jann Cable Operator ason, boroch spardho asul’lo.  Eka ilakeant ani eka ilakeacho jor tor guslo thoimsar maar-jagdem jaunchem  sadamchem jal’lem.  Punn hea sorv khel’lak 1992 isvemth jal’lea eka ghadithan khadu ghalo.  1992 World Cup suruvath jathana  ‘Star T.V. mhunnon eka channelachi suruvat jali.  Ed’doll mhunnasor Cable Operator aplea Control Room thaun picturamche signal vamtun as’lle. Punn atham thamka Star T.V. thaun  signal ghemvk vhod-vhod dish-eamchi goroj podli.  Haka bhandwal’la-chi goroj aslli.  Dekun lhan operator vhod operatoram samgatha sahakar divmk lagle ani sangatha mel’lon dhudu nivesh karn, vhod gatrachim dishyam lavn tachem signal vantumk lagle.  Mukar vetam vetam channelam vadomk laglim ani sangathach tamche badem vadlem.  Hacho parinnam javn ek vhodli badhlavann jail. ‘Citi Cable’ ani ‘In Mumbai’ namvache dhon vhod cable distributors asthithvanth aile ani itor sorv operator hea dhon mukhel operateram thaun signal badeak ghevn apa-plea ilakheani vitarann karumk suru jalem.

Cable seva dimvche sabar saunste asath.  Punn ‘Ashwini Cable Vision’ bori seva

diun asa jal’lean tamcho damdho borea thoran cholath iela.  Cable Operatoram

madhegath ilakyam khatir atamy spordho choltha ani henne thenne tamche

Madhegath gharshann chalthe astha. Them thasalea damdhea samgatha

Anivar’y vamto jala.   Cable signal chori karcho ani ek samasso jala. Tashem  jainathlle borim pal’leumchem gojechem. Thode pavtim  bhol’l prodarshan karumk padtha them nakarumk jaina.  Hamv hea damdhyak bhov lagshillean janna. Ani thode pavtim rajakaranni hea damdhyamth yevn traas dhivmchem asta.  Asamajik monsheam thaun vasuliche trass astat. Khoimsar god asa thoimsar moos yemvchem sahaj.  Toriki Walter Bab samadhanen hareaka samasyak porihar jodtha ani sarvamk jai jal’le tosolo vyakti jamvk pavla.

To ek minathi  ani busy monis tori samaj seve-nth to boroch vel’l khorcita.  Firgojechea sorv chatuvatikeni to karyall ani kriyathmak patr khel’lta.  1990 isvemth Saddam Hussaina-chea kortubamk bali jallo lok Mumbai Airportamth iel’le tedalla Rev. Fr. Walter Pinto sangatha tanne boroch vavr kello.  Jerimeri igorz ani iskol bandhthana thanne kelli seva soglle pallevn janamth.  2001 isvemth igarjecha bandhpak adhar javn October 11 Konkanni Nite ani 10 tariker Tulu Nite ani natkullo sadhar karn dhudu jamo kelli keerth tamkam favo jatha.  Navamk ashenaasthana fakath samaaji khatir vavr karche bari virall.  Thamche paiki Shri Walter D’Souza avval nambraar asaath mhunnetha.  The Jerimeri Firgajecha Finane Committee ani School Committee che sandhe javn vavr deevn asath.  

Maharashtra Konkan Association-n  Monthi festh acharan karchamth Shri Walter Babacho boroch hath  asa.  Ani aaj Monthi Festh  akkya Mumbaimth acharann karthath ter thache patlean Maharashtra Konkan Association-cho illo thari vavr asa.

March 17, 2001 isvemth Maharashtra Konkann Association dwarim sadhar jallea Konkanni sahamilana-k Walter Bab mukhel sayro javn hajar jalle.  Tea dees Konkanni vishim prabhavit jalle the aaj munnasar Konkanni samsthymin  koal’lanastana vavr deevn asath.  Aatham The Maharashtra Konkan Association sonsthyache adhyaksh javn seva dithes asath.  Lhan- vhod kamcheim them kam jamvdhi ‘hamv asam naive’ Walter Babachi jap thayar.  Ani thanni hamv asam mullear tea kama vishim herani takli hun karchi garz podana.   Konkani Bhasha Mandal Maharashtra, Konkani Sabha, Mulund hea soounstheani te kriyatmak patr khellon asath.

Konkani Bhasha Mandal Maharashtra hamthu tamchi barich minath asa. Sounsteani salaha-suchana dhimvche ani khodi kadche monis unne namth.  Punn  ienn vellar lhan-vod kam karchamche matr unnepann asa ani tem Walter Baban sabar take unne kelam. July 26, 2005 isvemth Mumbai  iel’lea avramth peedith jallea lokamk Walter Babaan igorjechea vataramth borich seva dilea. Tea nirashrith lokamk sakallichem cha-nasto, dhanparamche ani samjechem jevann, tamka mandhryo, stove, chaddhar munnon tanni borich vamvnt kadlli Jerimericho lok pallevn janna.  Vigar Ma. Bap Michael  D’Souza ani sahayak vigar Ma.Baap Hubert Govias hanni samgatha mellon avramth peedith jallea 85 lokamchi  gharam dhurasthi ani punarvasan kellem kaa hogllikek patr javnasa.  Don Bosco, Matunga hamchea Employment Exchange samgatha mellon sabar thornateank kam mellashem tanni prayatn kelam.  Te itor

sabar samgh-saunstheni sakreey vavr deevn asath.  Tamche poiki thodim navam ghemvchi tor:

1. National Secretary : Manavadhikar Seva Sangha (Re) Human Rights. (Ho saunstho International Human Rights Foundation haka mellon asa.)

2. National Secretary: Bharathiy Patraakaar Sangh (re) Trade Union.

3. Saha-Sampadak : Metro Aaj Thak (Hindi patr).

4. Maaji Adhyaksh – Sandho : Khajupada Traders Welfare Association.

5. Odhyaksh : Human Rights Vibagh (MPCC Ward No.173, Kurla Taluk)

6. S E O : Maharashtra Sarkar

7. Adhyaksh : Maharashtra Konkan Association.

8. Managing Committee Member : Kurla Railway Police Station (Mumbai)

9. Member : Police Janata Sampark Samithi (Sakinaka Police Station).

10. Member : Police Jopadpatti Panchayat Samiti (Sakinaka Police Station).

11. Kajandhar : Konkani Bhasha Mandal Maharashtra.

12. Aadalthe Samithi-cho Sandho : Konkani Sabha (R), Mulund.

13. Malak : Ashwini Cable Vision / Vilma Electronics / D’Souza Electronics.

14. Sandho : Christian Chamber Of Commerce and Industry.

15. Sandho :Jai Krishna Parisara Premi Samithi.

16. Sandho : Vishwa Tulu Sammellan.

Bab Walter ek kharo Konknni mogi.  “Sangati Creations” namvar tanni her dhog bhagidharam sangatha ek Konkani film nirmann kelam ani them 2018 April  moineant rupyallya pordhear release jatelem ashem kal’lon etha.  Konkani film dot com, Walter Babak tachea hea prayasamth joith magta.