Shri Maxim Pereira
Manasa” upranth “Ashem Jalem Kashem ?”
Digdorshak Shri Maxim Pereira
“Ashem Jalem Kashem ?” (Tulu-nth “Imcha Aand Emcha?”) Konknni ani Tulu sambhashann aschem hem film April 21, 2017-ver Mangalore ani bhovmthonni-chea sheharanim prodorshit jaunchem asa. Hacho Boroinnar, Nirmapak ani Digdorshak manesth Maxim Pereira Konknni samajik novo munis nhay. Tannem poliem nirmann kellem Konkani Tele Film “MANASA’ borench hit jallem.
Melody Star “Baila Boom Maxim” mhunn sarvamk vol’lki-cho Maxim, Anjelore-chea devadin John Pereira ani Cecilia Pereira hamcho put javnasa.
Maxim-achem talent bhurgyaponnar firgoji-chea Choir-anth utton dislem.
Taka bhal’lpanna thaun Guitar, Key-board, Drum tosolim sabar vajantram vajounchi sakat asulli. Konkani Darbar Talent Spordheanth tannem “Yuva Protibha Puraskar” apnnaun apli shathi thirayli. 22 vorsam adhim tannem “Anjelore Glorious Band” survat kelem. Tem Band ajun “G-major” namvan Kazar sobhannamk sobhai dite asa.
Tannem eddo’ll mhunnasor 13 music Albums asa keleat. Doordarshan, Gulfanth Kuwait, U. A.E. ani Bahrain Konkani ani Tulu Bhashenim Musical Nite karun to famadh jala. Tannem “Glomax” namvan 150 voyr Konkani ani Tulu podamk samgeet dilam.
Konkani ani Tulu Bhashenim mishrit sambhashannim yeuchem hem poliem Film javnasa. Ami tachea vavranth taka borpur yashasvi magtam ani tache thaun aniki Koknni vavr jaundimt mhunnon ashetamv.
